Wasiirka Madaxtooyada Oo Ka Dareen Celiiyey Deegaanka Waddo Makaahiil Oo Markii U Horaysay Laga Hirgaliyey Ceel Biyood

0
179

Hargeisa(SDN)Wafti Wasiiro ah ayaa ka qayb galey ceel biyood laga hirgaliyey deegaanka Waddo Makahiil oo ka tirsan degmada Faroweyne.

XIRSI

Sida lagu sheegay Qoraaal kooban oo uu soo saarey Wasiirka wasaarada Madaxtooyada Somaliland oo u dhignaa sidan:

Waan ku Faraxsanahay in Maanta markii uugu horaysay Deegaanka Waddo Makaahiil lagu guulaystay in ay helaan Biyo Macaan

Wasiirka Wasaaradda Khayraadka Biyaha Md. Xuseen Axmed Cabdile, Wasiirka Maaliyada Md. Cabdicasiis Maxamed Samaale iyo Wasiirka Waxbarashada iyo Tacliinta Sare Marwo Samsam Cabdi Aadan aanu ka qaybgalnay tijaabada ceel biyood maanta laga hirgaliyey deegaanka Waddo Makahiil oo ka tirsan degmada Faroweyne

Ceel biyoodkan maanta laga gaadhay biyaha macaan ayaa balanqadkiisa uu sameeyey Madaxweynaha Jamhuuriyadda Somaliland socdaalkii “Buur iyo Banaan” ee uu dhawaan kusoo maray in badan oo kamida degmooyinka iyo tuulooyinka dalka.

Waa illaahay mahadii in balanqaadkii Madaxweynaha durba deegaankaasi helay oo ay maantaba haystaan waxqabadkii loo balanqaaday ee loo dhagax dhigay maalmo kooban kahor

Markii Riigii dhulka lagu taagay soo daayey biyo xareed ah ayaad durba arkaysay shimbiro meel fog kasoo dulay oo dul heehaabaya deegaanka dushiisa taasi oo cadayn u ah bilowga nolol haraad beel ah waxaanay indhahaagu qabanayeen xoolo meel fog kasoo halacsaday biyaha dhulka kasoo boodaya

Waan uugu hambalyeynayaa deegaankaas biyaha macaan ee ay heleen sidoo kale waxaan ku bogaadinayaa saxiibkay Wasiirka Khayraadka Biyaha tacabka badan ee uu u galay in uu balanqadkii Madaxweynaha u turjumo wax qabad muuqda

Waa dhab oo biyuhu waa aasaaska nolosha waana baahida koobaad ee noolaha, waxaanan ku dedaalaynaa ka xukuumad ahaan in deegaan walba ka haqab beelo baahida biyaha Insha Allahu Illaahayna uu inoo sahli in nimcadiisa Biyuhu dhamaanteen ina wada gaadho.

Somaliland Allow Samo ku Waartaa
Wa Bilaahi Tawfiiq

LEAVE A REPLY

Please enter your comment!
Please enter your name here