Wasiirka Ganacsiga Oo Ka Hadlay Guddi Farsamo Oo Itoobiya Kala Xaajoon Doona Arrimaha Ganacsiga iyo Nabad Galyadda Oo Safar Shaqo U Tagay Addis Ababa

0
187

Hargeysa (SDN) Wasiirka wasaaradda Ganacsiga iyo maalgashiga Mudane, Xuseen Aadan Cige (Xuseen Deyr) ayaa madaarkacaasimadda Hargeysa ku sagootiyey wefti Itoobiyan ah oo maalmihii ugu dambeeyey ku sugnaa Somaliland.

Wasiirka ayaa kulan dardaaran iyo sii sagootin ah kula qaatay guddi farsamo oo ka koobnaa khubaro, aqoon-yahanno, maamulkasare ee dekkedda Berbera iyo agaasimayaal guud oo Xukuumadda Somaliland u matalayey wadahadaladii arrimaha Ganacsiga, Transit-ka, arrimaha nabadgelyada ee u dhexeeya Jamhuuriyadda Somaliland iyo Dawladda Federaalka Ethiopia. Wasiirku wuxuuweftiga kula sii dardaarmay inay wax walba ka hor mariyaan danaha iyo maslaxadaha uu leeyahay qaranka Somaliland.

Wasiirka ganacsiga iyo maalgashiga oo ka hadlay ka hor intii aanay masuuliyiintaasi ka dhoofin garoonka Cigaal Airport ayaa ka warbixiyey safarka iyo ujeedadiisa “Weftiga halkan jooga ee aqoon-yanadda iyo masuuliyiinta kale ee qaranka waxay diyaar u yihiin inayu duulaan dalka aynu jaarka nahay ee Itoobiya halkaas oo ay wada hadalo kula gali doonaan xukuumadda Itoobiya, wadahadaladaasi waxay quseeyaan arrimaha Transit-ka, hawlaha kale ee nabad galyo, kuwa is-kaashi iyo kuwa Dekadda ee Somalilanddoonayso inay kala hadasho dawladda Itoobiya waana wada-hadalo hore u socday”

Wasiirka ganacsiga oo hadalkiisa sii wata ayaa intaas ku daray”29  February  shir weyna ayaa waxa uu ka dhacay magaaladdaBerbera, shirkaa waxaa lagaga hadlayey arrimaha ganacsiga, iskaashiga iyo arrimaha aynu soo sheegnay. Guud ahaan waa koox udarban diyaarna u ah inay danaha iyo maslaxadaha qaranka  Somaliland wax walba ka horumariyaan ayna difaacaan meesha dantaqaranka somaliland ku jirto waxaanan ku kal soonahay boqolkiiba boqol ragaa aqoon-yahanada ah iyo masuuliyiinta kale ee qarankaee halkan joogaa inay yihiin kuwii maanta dalku u baahan, markaa mudanayaal waxaan idinkula dar-daarmayaa inaad dantaqarankeena wax walba ka hor-marisaan, bi’idni lahaa idinka oo guul sidana aanu dalka idin ku soo dhaweyn doono”

LEAVE A REPLY

Please enter your comment!
Please enter your name here