Maxaabiis Ku Xiran Xabsiga Hargeysa Oo Xaalad Caafimaad Daro U Geeriyooday & Kiisaska Lagu Heystay oo…

0
769

Wararka laga helayo Xabsiyo ku yaalla Magaalada Hargeysa ee Xarunta Maamulka labaxay Somaliland ayaa waxa ay sheegayaan in xaalad caafimaad darro oo adag ay heysato Maxaabiis ku eedeysan kiisas burcad-badeednimo ah oo ku xiran Xabsiyada Magaaladaasi.

 

Ehelada Maxaabiistaas oo maanta suxufiyiinta kula hadlay Muqdisho ayaa sheegay in wiilshadooda oo ay xukuntay Maxakamad ku taalo Dalka Talyaaniga, kuna eedeysaan Burcad-badeednimo hadda ay xaaladadooda Caafimaad liidato lagu hayo xabsi ku yaala Hargeysa.

Tirada Maxaabiistaas oo lagu sheegay 21-ayaa mid kamid ah waxa uu ku geeriyooday Xabsiga,halka qaarkoodna hadda ay la liitaan Cudurka feeraha ama Tiibishada.

Elehada ayaa Hey’adaha Caalamiga iyo Dowlada Federalka ka dalbaday in wiilshadooda loo soo wareejiyo Xabsiyada Muqdisho,sida xukunkii lagu riday ay Muqdisho ugu dhameystaan,maadaama iminka ay ku dhibaatoonayaan Xabsiyada Hargeysa.

LEAVE A REPLY

Please enter your comment!
Please enter your name here