Madaxweynaha Turkiga Oo Shaaca Ka Qaaday In Dulqaadkii Uu Kasii Dhamaanayo

0
150

Madaxweynaha Turkiga Tayyip Erdogan ayaa sheegey in Turkiga dulqaadkii ka sii dhamaanayo,marka la eego dhibaatada ka dhalatey dagaalka Siiriya. Waxa uu ka digey in Malaayiin qaxootiga Siiriya ah ay ku sii daynayaan Dalalka Midowga Yurub.

”Turkiga dulqaadkii waa ka sii dhamaanayaa, arrimo gaar ah dartood, waxaana ku khasbanahay in aan ka jawaabno, ayuu yiri Erdogan oo khudbad uu ka jeedinayey Business Forum Ankara taas oo si toos ah looga daawanayey Telefishanka.

Erdogan ayaa khudbadiisa u digey Midowga Yurub waxaana uu sheegey in ay qaxootiga u fasaxayaan in ay aadaan meeshey rabaan.

”Waxaan u sheegayaa Midowga Yurub, in qaxooti badan oo wata basaskooda aan ku celiney albaabka magaalada Edirne oo ay ka geli lahaayeen Midowga Yurub, mar bay dhacdey oo mar labaad dhacdey wixii intaas ka danbeeya waxaan u fureynaa albaabka waxaana u rajeyneynaa Safar Salaama. Ha u malaynina in aanan u diyaar garoobin in aan u diyaarino basas iyo diyaarado ayuu yiri Erdogan oo u hanjabaya Midowga Yurub.

Qaylada ka soo yeereysa Turkiga ayaa la xiriirta duqeynta aan loo meeldayin ee Ruushku ka wado dalka Siiriya, waxaana ay si joogta ah u duqeeyaan goobaha ay ku sugan yihiin Mucaaradka lagu tilmaamo qunyar socod, iyo weliba dadka Turkimaanka ah, iyaga oo kaalmeynaya ciidamada Bashar al-Assad.

Turkiga ayaa ku eedeeyey Ruushku in ay doonayaan in dadka Turkimaanka ah ay ka saaraan Khariidada Siiriya. Ruushka ayaa geeyey Siiriya qalabkiisa difaaca cirka kuwa ugu casrisan, kadib xiisaddii Turkiga iyo Ruushka ee ka dhalatey diyaaraddii laga soo ridey Ruushanka.

Turkigu waxa ay doonayaan in culeys la saaro Ruushka si uu u jeejoyio duqeynta uu ku taageerayo Bashar al-Assad, haddii kale ay qaxootiyada siinayaan waddo kasta oo ay ku geli karaan dalalka Midowga Yurub.

Kumaankun Siiriyaan ah ayaa soo gaarey xuduudka Turkiga, Qaramada Midoobey ayaa ka dalbatey Turkiga in ay u furaan Turkiga albaabkooda qaxootiga dhooban xuduudka, hadalkaas oo Turkigu canbaareeyey kuna tilmaamey laba wajiilinimo.




 

LEAVE A REPLY

Please enter your comment!
Please enter your name here