Aas Qaran oo Dalka Shiinaha loogu sameeyay Sargaal Shiinees ah oo Muqdisho lagu dilay

0
126

Waxaa garoonka diyaaradaha Jinan Yaoqiang International Airport ee dalka Shiinaga laga dajiyay Meydka Sargaal Shiinees ah oo ku geeriyooday Weerarkii Ismiidaaminta ahaa ee dhawaan Xarakada Al-Shabaab ku qaadeen Hotelka Jaziira ee Magaalada Muqdisho.

Meydka Sargaalkan waxaa garoonka laga dajiyay kusoo dhaweeyya Masuuliyiin katirsan Dowlada Shiinaha , Saraakiil Ciidan iyo xubno katirsan Eheladiisa, waxaana Sargalkan ku geeriyooday Muqdisho loogu sameeyay dalkiisa Aas qaran.

Zhang Nan oo ahaa Sargaal ka howlgalayay Safaarada Shiinha ay ku leedahay Soomaaliya oo xarunteeda ku taalay dhismaha hotelka Jaziira, ayaa kamid noqday dadkii badnaa ee ku dhintay Weerarkii ismiidaaminta ahaa ee Al-Shabaab ku qaadeen isbuucii hore Dhismaha Hotelka Jaziira.

Dhimashada Sargaalkan Shiineeska ah ayaa si weyn looga dareemay dalkiisa, waxa uuna Ciidamada dalkaasi kamid ahaa mudo 11-sano ah, waxa uuna hada ilaalo ka ahaa kana howlglayay Safaarada Shiinaha ay ku leedahay Soomaaliya.




LEAVE A REPLY

Please enter your comment!
Please enter your name here